Harria herria lanarekin hasiko dute emanaldia, dantza bertikalen estetika eta ikusgarritasuna batzen dituen film laburrarekin; Euskal Herrian ekoitzitako film honetan, Gautegiz-Arteagako Andrabide harrobiko hormetatik zintzilik jarriko dira lau eskalatzaile emakume, musikaren erritmora dantza egingo dutenak.
Mendia, abentura eta natura protagonista dituen jaialdi honetan, gainera, Allein, Nebula eta Cholitas lanak ere izango dira ikusgai, hainbat sari jaso dituzten lanak. Filmak euskarazko azpidatziekin ikusteko aukera izango da.