Larunbatean, Darabagu dinamikarekin hasitako bideari amaiera eman dio Aresketa ikastolak. Igandean, ordea, Araba Euskarazek eta Ahotseneak elkarlanean prestatutako egitarauari esker, musikaren plazak hartuko du herria.
11:00etatik 14:00etara eta 16:00etatik 20:00etara, zortzi talde igaroko dira Amurrio Antzokiko taula gainetik, euren azkeneko lana aurkeztera: Kyxo, Otuz, Deiedra, La Rekba, Hook, Basaki, Sorkari eta Perlata taldeak.
Amurrio Antzokian jarraitu ezin dutenek alea.eus edota aiaraldea.eus webguneetan jarraitu ahal izango dute zuzenekoa, Araba Euskarazek eta Aiaraldea hedabideak eskainitako streaming emisioari esker.
