Argazkilaritza artistikoan eta arte plastikoetan goi mailako teknikari den Silvia Ayerraren eskutik egingo da lantegia. Laborategiaren helburua parte-hartzaileekin batera Amurrioko emakumeen memoria lantzea da, eta haien bizitzak eta istorioak partekatzea, prozesua argazki-ekintza batean islatuz.
Lantegia bost jardunalditan egingo da Kultur Etxean, irailaren 21ean, 23an, 28an eta 30ean 18:00etatik 20:00etara eta urriaren 2an 17:30etik 20:00etara. Parte hartzeko beharrezkoa izango da irailaren 14tik aurrera izena ematea berdintasuna@amurrio.org helbidera idatzita.