Bakarrizketa | Autu-mautuak

Kaitin Allende

Maiatzaren 27an, Kaitin Allende kazetariak Itxialdiko bakarrizketa hitzaldia eskainiko du, Autu-mautuak saioaren barruan.

Autu-mautuak Aiaraldeko eskualdean erabiltzen zen esapide bat da, "kontutxoak, kontatzekoak..." adierazteko. Izen hori daraman kanpaina bat jarri dute abian Berbalagun ekimenaren barruan.

Kanpaina, bereziki egokitu da itxialdi egoerara: astean behin hitzaldi moduko bat egongo da, laburra, 20 minutu ingurukoa, jarraian parte-hartzaileek galderak edo iritzi-trukaketak egiteko. Den-dena, etxetik mugitu gabe.

Gaiak era guztietakoak izango dira, eta dietista, kirolari zein artista boluntarioek eskainiko dituzte. Parte hartzeko nahikoa da ordenagailuan Jitsi aplikazioko Aiaraldeko Autu-mautuak estekan sartzea. Sarrera librekoak izango dira, edonorentzakoak.

Hurrengo saioa: maiatzak 27, asteazkena, 19:00-20:00 bitartean.

Gaia: Itxialdiko bakarrizketa Kaitin Allende kazetariaren eskutik, umore onez gainditzeko konfinamendua.

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide