Ezbeharra arratsaldeko 15:00ak pasata gertatu da Galdakaoko Guinea Hermanos enpresan. Osalan Laneko Segurtasun eta Osasunerako Euskal Erakundeak jakinarazi duenez, langilea bere lanaldia betetzen ari zela, pieza bat gainera erori zaio eta momentuan bertan zendu da jasandako zaurien eraginez.
Zerbitzu medikuak bertaratu direnerako, heriotza baieztatzea besterik ezin izan dute egin. Istripuaren arrazoiak argitzeko azterketa lanak abiatu dituzte.
2020an Euskal Herrian ematen den hamargarren lan heriotza izan da hau.