Laudioko udal hiltegiak gaur bertan ireki ditu ateak, instalazioak eta makinak eguneratzeko azken asteetan egin diren esku-hartzeen ondoren. Abuztuaren 7an, Uraren Euskal Agentziak aginduta, hiltegia itxi behar izan zuen Udalak, Nerbioi ibaira aldizka isurtzen ari ziren odol-hondakinen arazoa konpontzeko. Udal gobernuak aditzera eman duenez, "lehentasun handienetako bat izan da hura ahalik eta lasterren berriz irekitzeko lan egitea"
Horretarako, irailaz geroztik, udal langileak, beste enpresa batzuekin batera, hiltegiko instalazioen egokitzapenean eta birmoldaketan aritu dira. Guztira, 140.000 eurotik gorako inbertsioa egin da horretan. Lan horiei esker, instalazioen aldi baterako itxierari "irtenbide azkar eta eraginkorra" emateko promesa bete dutela esan du Ander Añibarro Laudioko alkateak.
Obren bigarren fasea laster hasiko da, odol bilketa hobeto kudeatzeko helburuarekin, eta odola ibaira isurtzea saihestuko da. "Obra berri hau posible izango da Eusko Jaurlaritzaren aldetik gai honetan jaso dugun laguntza eta laguntzari esker", esan du alkateak.