Laudioko Udal Gobernu taldeak jakinarazi du Agora proiektua hautatu dutela Laudio Antzokia gauzatzeko. Sei lagunek osatu dute epaimahai teknikoa –lau arkitekto, udal aparejadorea eta soziokultura animatzailea– eta aho batez babestu dute Javier de las Heras Soleren lana.
Orain tokiko erakundeak ekingo dio berarekin negoziatzeari, ideia egikaritzeko. Arkitekto kataluniarraren egitasmoak 438 eserleku izango ditu, baina erdiguneko aulkiak kendu eta batu daitezkeenez, 700 plaza baino gehiago lor ditzake eraikinak.
Artikulu hau Aiaraldeak argitaratu du eta Creative Commons by-sa lizentziari esker ekarri dugu ALEAra. Jatorrizko albistea hemen duzu ikusgai.