Joan den mendeko zazpi hamarkadetan herrialdean egindako lasterketak eta mota guztietako bizikleta probak jasotzen dituen erakusketa paratu dute Florida parkean, abuzturarte. Irudi bitxien artean ikus daitezke, adibidez, 1935eko Euskal Herriko Itzuliaren irteera; CIL bizikleta enpresako langileak, 1957an, Izardui Komandantearen lantegian; Juan Marti Viñolas Iraupeneko Espainiako txapelduna; 1960ko Espainiako Vuelta Dato kaleko helmugara iristen; edo, 1968an, Eusebio Velez IV. Sariko lasterkariak Durako iturrian garbitzen.
Argazkiak: Pilar Arostegi Udal Artxiboa.