Abenduaren 17tik urtarrilaren 6ra arte Foru plazan kokatuko dute ohiko Gabonetako Azoka. Dendariek hainbat artisau-produktu eskainiko dituzte bertan: zilarrezko bitxiak, zurezko eskulanak, ilustrazioa, larrua, zeta, kosmetika eta abar. Eskulangileak zenbait lekutatik etorriko dira, baina tokikoak izango dira nagusi. Izan ere, saltokien herenean Gasteizko profesionalak arituko dira.
Gabonetako azokaz gain, bestelako jarduera batzuk antolatuko dituzte. Haurrentzako puzgarria jarriko da, begirale elebidunen laguntzarekin. Bestetik, abenduaren 19, 24 eta 31n eta urtarrilaren 5ean haurrentzako lantegiak egingo dira, euskaraz eta gaztelaniaz: eguberrietako postalak eta orri-markatzekoak egitea edota material birziklatuz musika-tresnak sortzea, besteak beste.
Aurtengo ordutegia
11:00etatik 14:30era izango da goizeko ordutegia, eta arratsaldez 17:00etatik 22:00etara. Hala ere, salbuespen batzuk izango dira eguberrietan zehar: 24an eta 31n ordubete lehenago itxiko dute gauean, urteberri-egunean arratsaldez besterik ez dute irekiko, eta urtarrilaren 5ean ez da etenaldirik egongo eguerdian.