Berriz ere uholdeak sortu dira Araban. Azken egunetako prezipitazio handien ondorioz, goizaldean zehar zenbait ibaik gainezka egin dute, eta arazoak sortu dira lurralde osoan zehar; bereziki hiriburuan, Gasteizen, eta inguruko herrietan, baina baita Añana (Erriberagoitian, Espejon, Tresponden eta Billodan), Gorbeialdea (Sarrian) eta Lautadako (Dulantzin) zenbait eremutan ere.
Besteak beste, Batan (hegoaldean) eta Zadorra (iparraldean) ibaiek egin dute gainezka hiriburuan, eta lurraldeko beste ibai batzuk ere gainezkatu dira, hala nola: Zaia, Dulantzi, Santo Tomas, Baia, Omecillo eta Barrundia. Ebroko Konfederazio Hidrologikoak ohartarazi duenez, goizaldean alerta laranjako mailak gainditu dira Zadorran (Gasteiz), Omecillon (Bergonda) eta Ihuda (Berantevilla) ibaietan.
Gasteizen hainbat errepide moztu behar izan dituzte, estolda ugarik gainezka egin ostean. Hirian zein hiriaren irteerako zenbait puntutan arazoak izan dira trafikoan eta garraio publikoan, tranbiaren zein Tuvisako autobusen eta BEIren zerbitzuetan. Udaltzaingoa trafikoa desbideratzen ari da, Larrialdi Zerbitzuek ura biltzen duten bitartean. Horrez gain, Udalak hustubideak ireki ditu egoera arintzeko asmoz.
Gainera, uholdeak hiriguneko zein hirigunetik kanpoko eremuetara zabaldu dira, besteak beste: unibertsitatea, Mendizorrotza, Batan, Arkaiate, Arkauti, Askartza, Mendiola, Elorriaga, Abetxuku, Foronda, Ihurre, Estarroa, Mendoza, Margarita, Andetxa, Astegieta, Otogoien, Otobarren eta Martioda. Zenbait eraikinen beheko solairuak urez bete dira, eta zenbait ikastetxetan —Nazareth, Virgen Niña, Ekialde BHI eta Ciudad Jardin— sartzeko arazoak izan dira goizeko lehen orduetan.
Zer gertatu da hegoaldean?
Batan ibaiaren kasuan, Gasteizko Udalak goizean zehar argitu du arazoa euri-uren sarearen saturazioa izan dela. Antza denez, ibaitik iritsitako eta bertan pilatutako bi enborrek eragin dute hiriaren hegoaldeko uholdeak, eta ez ibaiaren beraren gainezkatzeak. Izan ere, hegoaldeko Batan eta Zapardiel ibaiei eusteko obrari esker, euri-uren zati bat xurgatu ahal izan da; eta bi ibaietako urak euri-uren sarera bideratzen dira.
Nolanahi ere, goizean zehar sortutako arazo nagusiak arintzen joan dira. Araba kalearen inguruan garbiketa lanei ekin diete jada, uholdeak gainditu ondoren. Eta garraio publikoa ere pixkanaka normaltasunera itzuli da.
Larrialdi plana, arratsaldera arte
Josu Erkoreka lehendakariorde eta Segurtasun sailburuak premiazko bilera deitu du 11:30ean, atzo aktibatutako Uholde Arriskuagatiko Larrialdi Plan Bereziaren krisi-mahaia koordinatzeko. Suerta daitezkeen arazoei aurre egiteko elkarlanean arituko dira Jaurlaritza, aldundiak eta udalak, bai eta Ertzaintza, udaltzaingoak eta suhiltzaileak ere.
Era berean, Gasteizko Udaleko Segurtasun Sailak ere Larrialdi Planaren larrialdi faseko 1. egoera aktibatu du 07:00etatik aurrera, uholdeengatik.
Eguerdian, Eusko Jaurlaritzak jakinarazi du gaur arratsaldean desaktibatuko duela larrialdi plana, eguraldiaren iragarpenak hobetu direlako. Azken orduetan, metro koadroko 126 litro euri inguru neurtu dituzte Euskalmetek Gorbeian duen estazio meteorologikoan; Sarrian 97,5 litro izan dira; Abetxukun 59; Altuben 60,5; Agurainen 46; eta Subillan, berriz, 65 litro.
112 SOS Deiak zerbitzuak 00:00etatik orain arte artatutako gorabeheren balantzeari dagokionez, Araban zazpi intzidentzia izan dira lur-jausien edo eroritako zuhaitzengatik. Horrez gain, ur-putzuekin do eraikinetatik ura ateratzearekin lotutako beste 34 gertakari artatu dituzte.
IRUDIAK
Elorriagan N-104 errepidea moztu behar izan dute (Bideoa: Segurtasun Saila)
Kuartango inguruan pottoka talde bat erreskatatu behar izan dute, Baia ibaiak gainezka egin ostean uretan harrapatuta gelditu direlako.
Laudion ez da uholderik izan oraingoz, baina Nerbioi ibaiaren maila nabarmen igo da.
Estarrona, esta mañana. pic.twitter.com/EnzHArBFkC
— UAGA (@UAGAiNFO) February 27, 2024
Arkaia. #inundaciones #limpiezaderios pic.twitter.com/T4HjAptwdw
— UAGA (@UAGAiNFO) February 27, 2024
#inundaciones en Trespuentes. #Limpiezaderios pic.twitter.com/R2y6mOL3qY
— UAGA (@UAGAiNFO) February 27, 2024
Oiardo #inundaciones. Pedimos @limpiezaderios pic.twitter.com/Gf62WxPdBh
— UAGA (@UAGAiNFO) February 27, 2024
Luzuriaga #inundaciones. Pedimos @limpiezaderios pic.twitter.com/WFepRxQy2x
— UAGA (@UAGAiNFO) February 27, 2024
Narbaiza #inundaciones. Pedimos @limpiezaderios pic.twitter.com/ycZ6kCoDee
— UAGA (@UAGAiNFO) February 27, 2024
La mota del río en Asteguieta, rota desde hace 10 años. Consecuencia: #inundaciones pic.twitter.com/NJNL69V9D8
— UAGA (@UAGAiNFO) February 27, 2024
♒️ Desbordamiento del rio #Barrundia y sus afluentes a su paso por el #concejo de #Hermua
— ACOA-AKE (@AcoaAke) February 27, 2024
🌧️ Barrundia ibaiak eta haren ibaiadarrek gainezka egin dute Hermuako #kontzeju|tik igarotzean@barrundia_udala #ArabakoLautada #LlanadaAlavesa #Araba #Alava pic.twitter.com/oEgaCXV7Hl
🌧️ Goizeko lehen ordutik, Iñaki Gurtubai Segurtasuneko zinegotzia eta @MirenFdzdeLanda Landa Eremuko zinegotzia euriteek sortutako egoera aztertzen aritu dira
— Vitoria-Gasteiz! (@vitoriagasteiz) February 27, 2024
🗣️ Toki kaltetuenak bisitatu dituzte, herritarrekin ibili dira eta Administrazio Batzarrekin etengabeko harremanetan… pic.twitter.com/ppfmcYYVWa
🚨🚔👮♀️👮♂️ Goizeko lehen ordutik gabiltza lanean zaparraden ondorioz izandako putzuak direla eta, kaleak mozten eta/edo trafikoa erregulatzen.
— Vitoria_Polizia (@VG_Policia) February 27, 2024
Trafiko-gorabeherak.
Hona haria 🧵⤵️#Trafikoa pic.twitter.com/aPIxgMeFAr
📷 Alegria ibaia Buesa Arena inguruan #VitoriaGasteiz eta #AlegriaDulantzi herrian
— SOS Deiak - 112 (@112_SOSDeiak) February 27, 2024
📷 Río Alegria a su paso por la zona del Buesa Arena #VitoriaGasteiz y la localidad de #AlegriaDulantzi pic.twitter.com/GPCUp8vnf5
ERREPIDEEN EGOERA
Iturria: araba.eus
Eusko Jaurlaritzako Segurtasun Sailaren kameren bitartez, lurraldeko errepide nagusien unean uneko egoera ikusteko aukera dago. Posible da kamera batzuen seinalea galtzea zenbait unetan.