Sobre la espera y ocupar espacios erakusketak Carolina Mattos artistak brodatuaren eta pinturaren teknikaren bidez egindako margolanak aurkezten ditu. Horietan guztietan, Mattosek aulkia aipatzen du, espazioak okupatzeko itxaronaldia sinbolizatzen duen objektu gisa. "Horietan baliagarri izan gaitezkeela uste dugun espazioak, gure ahotsek ezberdintasun bat sor dezaketela uste dugun espazioak, lagundu dezaketenak, gaizki irudikatuta ikusten ditugun espazioak edo, besterik gabe, hutsik daudenak".
Nahi izatearen eta ahal izatearen, ematearen eta jasotzearen edo hartzearen arteko dikotomia hori da artistak gizarteari kritika eginez lantzen duena: "Kontrako egoera gertatzen denean, eta azkenean lanpostu horiek bete ditzakegunean, hitza dugunean, nola berreskuratu hainbeste urtetako gaitzespenak eta axolagabekeriak gugan eragindako autoestima faltan?", galdetu du Mattosek. Ildo horretatik, artistak galdera hauek egin ditu: Zergatik ikusten ditugu hainbeste espazio huts eta ezin dugu horiek betetzeko urratsa egin? Lekua badago, baina nola egiten dugu benetan denok aktiboki parte hartu ahal izateko axola zaizkigun gauza eta espazioetan?
Carolina Mattosek (Buenos Aires, 1988) hiru urte daramatza Gasteizen bizitzen. Eszenografia ikasi zuen Escuela Metropolitana de Arte Dramático-n (EMAD) eta, gaur egun, batez ere freelance ilustrazioan eta arte zuzendaritzan aritzen da film labur, bideoklip eta argazkigintzan, baita bere lana ekoizten ere. Zeramika, grabatua, stop motion-a, 2D animazioa eta abarretako tailerrak egin ditu. Bordatzaile autodidakta da, eta denbora luzea darama ehun-arteaz, ehunen moldakortasunaz eta ehunak beste material batzuekin konbinazioak ikertzen.
Emart programa
Erakusketa Emart programaren barruan aurkeztu dute, artista arabarrak ikusarazteko eta laguntzeko programa. Alejandra Bueno (Gasteiz, 1987), Nefer Olaizola (Gasteiz, 1995), Carolina Mattos (Buenos Aires, 1988) eta Xialu Zurutuza (Hefei Anhui, Txina, 1997) izan dira 2021ean euren lanak garatzeko eta erakusteko aukeratu dituzten sortzaileak.