Joan den astean euskalgintzako hamahiru eragilek egin zuten moduan, oraingoan kultura, kazetaritza eta euskalgintzako dozenaka lagunek eman diote babesa Gasteiz Antzokiari, eta proiektua abian jartzeko "beharrezko neurriak lehenbailehen" har ditzan galdegin diote Gasteizko Udalari.
Antzokia nahi eta behar dugulako oharrean, proiektuak daraman "atzerapen luzea" salatu eta oraindik "irekiera datarik gabe" jarraitzen duela gogoratu dute sinatzaileek. "Kultur sortzaileek sorgunea behar dugulako, kulturzaleek eskaintza bat behar dugulako, eragileek topaketarako gune bat behar dugulako, herritarrek plaza bat behar dugulako eta euskarak bere tokia behar duelako, adierazpen hau sinatzen dugunok Gasteizko Udalari eskatzen diogu Gasteiz Antzokia martxan jartzeko neurriak berehalakoan har ditzala eta lehentasunez joka dezala Gasteizek beharrezko duen proiektua berandu baino lehen abian izateko".
Arlo ezberdinetako ehun lagunek baino gehiagok egin dute bat adierazpenarekin: Manex Agirre, Oihane Perea, Igor Elortza, Oihana Bartra, Peru Abarrategi eta Unai Iturriaga bertsolariek; Edu Zelaieta, Karmele Jaio, Iban Zaldua, Katixa Agirre, Joseba Sarrionandia eta Patxi Zubizarreta idazleek; Iñigo Etxezarreta, Anari, Jon Basaguren, Josu Zabala, Libe Garcia de Cortazar, Mikel Urdangarin eta Arkaitz Miner musikariek; Edurne Azkarate, Josune Velez de Mendizabal, Ander Lipus, Aitor Vinagret, Ximun Fuchs eta Ane Gebara aktoreek; Amagoia Mujika BERRIAko zuzendariak, Iban Arantzabal Tokikomeko lehendakariak eta Aritz Martinez de Luna ALEAko zuzendariak; Jaione Agirre Bibat museoko teknikari arduradunak, Enrique Uriarte Ignacio Aldekoa kulturguneko zuzendariak, Luis Maria Pascual Montehermoso Kulturuneko buruak, Goiatz Oiartzabal Badalab proiektuko zuzendari nagusiak eta Eider Goñi EHUko Arabako Campuseko Euskararen, Ikasleen eta Mugikortasun arloko zuzendariak; Patxi Salaberri, Blanca Urgell eta Mikel Ayerbe EHUko irakasleek; Idurre Eskisabel Kontseiluko idazkari nagusiak, Kike Amonarriz soziolinguistak eta Josemari Sors Elkar fundazioko lehendakariak, besteak beste.
GUTUNA
Antzokia nahi eta behar dugulako
Gasteizko Udalari eskaera
Euskarak, azken urteotan, Gasteizen izan duen susperraldia goraipatzekoa izan da. Euskaldunak, egunez egun, gero eta gehiago gara gure hirian, eta, ezagutzatik harago, erabileran emandako aurrerapausoa ere nabarmena izan da, eredugarri izateraino.
Argi dago egoera hau ez litzatekeela posible izango eragileen esfortzu, erakundeen babes eta norbanakoen inplikaziorik gabe. Guztiok bide berean emandako urratsek ahalbidetu dute bilakaera positibo hori, eta hala izaten jarrai dezan desio dugu.
Tamalez, kezkaz bizi dugu azken hilabete hauetan gasteiztarrontzat erreferente izan beharko lukeen Antzokia eta Euskararen Etxea gure bizimoduetatik desagerrarazi izana.
"Kezkaz bizi dugu azken hilabete hauetan gasteiztarrontzat erreferente izan beharko lukeen Antzokia eta Euskararen Etxea gure bizimoduetatik desagerrarazi izana"
Hamarkada batez, Oihaneder Euskararen Etxea funtsezko gunea izan da euskaraz bizi, ikasi eta gozatu nahi izan dugun euskaltzaleontzat. Horregatik, pozez hartu genuen bere jarduna behin behinekoz eten eta Gasteiz Antzokiaren proiektuak beste dimentsio bat hartu behar zuela jakitea.
2022ko urrian adierazi zuen Gasteizko Udalak, Ruiz de Bergaratarren jauregiko lanak amaitutzat emanda, Izaskun Arrue Kulturgunea abian jartzeko azken pausoak bakarrik eman behar zirela. Urte eta erdi igaro da orduz geroztik, eta Antzokiak ateak noiz irekiko dituen datarik ezagutu gabe jarraitzen dugu oraindik.
Kultur sortzaileek sorgunea behar dugulako, kulturzaleek eskaintza bat behar dugulako, eragileek topaketarako gune bat behar dugulako, herritarrek plaza bat behar dugulako eta euskarak bere tokia behar duelako, adierazpen hau sinatzen dugunok Gasteizko Udalari eskatzen diogu Gasteiz Antzokia martxan jartzeko neurriak berehalakoan har ditzala eta lehentasunez joka dezala Gasteizek beharrezko duen proiektua berandu baino lehen abian izateko.
Sinatzaileak
- Agurne Gaubeka
- Agurtzane Villate
- Aguxtin Alkhat
- Ainhoa Benito
- Ainhoa Bilbao
- Aiora Sedano Garcia
- Aitor Bengoetxea
- Aitor Vinagret
- Amagoia Mujika
- Amaia Bono
- Anari Alberdi Santesteban
- Ander Lipus
- Ane Arruti Lopetegi
- Ane Garcia
- Ane Gebara
- Aner Peritz
- Antton Bastero
- Arantxa Hirigoyen
- Argi Perurena
- Aritz Martinez de Luna
- Arkaitz Miner Aristizabal
- Asier Alvarez de Arcaya
- Asier Diaz
- Asier Kidam
- Asier Otamendi
- Asier Serrano Lasa
- Asier Valdestilla
- Askoa Etxebarrieta "La Pulga"
- Beñat Garaio
- Birkite Perez Alonso
- Blanca Urgell
- Dorleta Kortazar Alkoz
- Edorta Jimenez
- Edu Zelaieta
- Eduardo Jimenez Ormaechea
- Edurne Azkarate
- Eider Goñi
- Eider Olabe
- Eider Perez
- Eider Uribe Padilla
- Elena Caballero "La Basu"
- Eñaut Elorrieta Larruzea
- Eneko Abasolo "Abarkas"
- Eneko Bidegain
- Eneko Etxebarrieta
- Enok Sudupe
- Enrique Uriarte
- Erika Lagoma Pombar
- Euxebio Beloki
- Fernando Marin
- Gaizka Chamizo Mendikote
- Galder Perez
- Garazi Lazkano
- Goiatz Oiartzabal
- Goizalde Landabaso
- Gotzon Barandiaran
- Haimar Arejita Mallea
- Haizea Barcenilla
- Hurbil Artola Goñi
- Ibai Arrieta del Pico
- Iban Arantzabal
- Iban Arregi
- Iban Beltran de Nanclares
- Iban Garro Alzuri
- Iban Zaldua
- Idoia Hernandez
- Idurre Eskisabel
- Igor Elortza
- Iker Lauroba Alonso
- Imanol Epelde Pagola
- Iñaki Carretero
- Iñaki Lasa
- Iñaki Martinez de Luna
- Iñigo Aranbarri Alberdi
- Inigo Etxezarreta
- Iraitz Perez de Goldarazena
- Irantzu Lekue
- Irati Anda
- Irati Iciar
- Irene Intxausti
- Irune Zabaleta
- Itziar Rekalde
- Itziar Uriarte
- Jaione Agirre
- Jasone Mendizabal
- Jon Gondra
- Joanmari Larrarte
- Jon Basaguren
- Jorge Gonzalez
- Jose Luis Otamendi
- Joseba Sarrionandia
- Josu Sanchez
- Josu Zabala Ajuriagerra
- Josune Vz. de Mendizabal
- Joxemari Sors
- Karmele Jaio
- Katixa Agirre
- Kike Amonarriz
- Koldo Zuazo
- Libe Garcia Cortazar
- Lorea Agirre
- Luis Maria Pascual
- Maialen Akizu Bidegain
- Manex Agirre
- Manex Fuchs
- Manuel Moreno
- Maria Rivero Campo
- Miguel Alfredo Hernandez
- Mikel Albisu Iriarte
- Mikel Ayerbe
- Mikel Ayllon
- Mikel Inuntziaga Azkueta
- Mikel Irizar
- Mikel Martinez
- Mikel Telleria
- Mikel Urdangarin
- Miren Larrion
- Naroa Cuesta
- Nekane Artola Labordeta
- Oier Guillan Bermudez
- Oihana Bartra
- Oihane Perea
- Oskar Garcia de Bikuña
- Patxi Salaberri
- Patxi Zubizarreta
- Paul Bilbao
- Peru Abarrategi
- Rober Gutierrez
- Ruben Sanchez
- Unai Hernandez
- Unai Iturriaga Zugaza-Artaza
- Uxue Alberdi Estibaritz
- Xabier Aranbarri
- Xabier Gainzarain
- Xabier San Sebastian Inda
- Ximun Fuchs
Eskaera honi atxikimenduak jasotzen jarraitzeko asmoa egonda, adierazpenarekin bat egiten duen edonork eskaera sinatzeko aukera ere izango da datozen egunotan, jarraian jasotako galdetegiaren bitartez.
