Besteak beste, kaleko zuhaitzei eragingo die obrak. Gaur egun 330 zuhaitz daude eta lanak amaitzean, aldiz, 411 izango dira. Egoera fosilizatuan dauden, espezie inbaditzaileak diren edo hiri-ingurunerako egokitzapen txarra duten zuhaitzak –99 zuhaitz– kentzen hasi dira, eta "erresilienteagoak eta, ahal den neurrian, autoktonoak" diren espezieekin ordezkatuko dituzte, Gasteizko Udaletik azaldu dutenez.