Ostiraletik larunbaterako gauean, trafiko istripu larri bat gertatu zen BU-V-7422 errepidearen 4,1 kilometroan, Argantzonen, Trebiñuko barrendegian, A-1 autobideko zubiaren azpian. 23:00ak aldera, auto bat errepidetik atera zen, ezponda baten aurka jo zuen eta bidean iraulita gelditu zen.
Langraiz Okako eta Miranda Ebroko suhiltzaileak bertaratu ziren istripuaren lekura. 34 urteko gidaria istripuaren ondorioz hil zen; eta berarekin zihoazen beste hiru pertsona, 28, 18 eta 17 urtekoak, anbulantzia batean eraman behar izan zituzten Txagorritxuko ospitalera, jasandako zaurien ondorioz.