Bi gasteiztar, Xabi Valdor eta Ander Martinez de Aguirre, espetxeratze arriskuan daude 2016ko ekaineko jai kontestuko anekdota baten ondorioz. Zoritxarrez, larria da egoera eta ez da anekdota soil batean geratuko. Azaroaren 13an, astelehenean, epailearen aurretik pasatzera deituta daude.
Parranda egun normal bateko pasarte bat izan beharko litzatekeenak kinka larrian jar ditzake orain bi gazteak: lau urte eta sei hilabeteko espetxe eskaera bakoitzarentzako. Hori gutxi balitz, 3.581 euroko isuna eskatzen diete, 5.000€ euroko fiantzarekin batera (fiantzaren kopuru hau kendu diete jada). Haiekin hitz egin du Hala Bideok, epaiketa baino egun batzuk lehenago. Epaiketa egunean, elkarretaratzea deitu dute 09:30ean epaitegien aurrean.