Txorien laudorioa
Oporretan,
alde egin nahian,
norabide argian
ala noraezean?
Horrela batzuetan
hala besteetan,
baina beti gogoa han:
nora garamatzan?
Hara goaz hegan!
Abenturaren pasioa
Batzuk mendi eta baso
besteek nahiago kai ta itsaso.
Paisaia horrekin urrutira so,
ikara! Urak noizbehinka egiten baitu eraso.
Beldurraren zioa
Izan ere, itsasoa ez dago hila.
eta bertan badago hainbat monstruo koadrila
Urrutian, Eszila eta karibdis.
Hemen hurbilekoak, aldiz,
ahoan dauzka zenbait lanperna.
eta okerretan okerrena,
bihotzean ematen duena mina:
errutina.
Herrien eta Herrien mitifikazioa
Galiza ó Asturias, alá o alí,
baiginen Salvador dalí,
Asturias ó Galiza, alí o alá,
koadro surrealistetan bezala,
hiri turistikoan inor ez, ala?
Galiza, Asturies o País Vascu, alá o aquí?
Ametsa ote? batek daki!
Bueltatzearen erlaxazioa
Jada bueltatu gara
nor bere etxera
eta hara!
Zeru ilunkara.
Eguzkia badoa tokitara.
Baina geletatik argi izpiak irteten dira:
hori ez da eguzkia, baina tira!
besteek maletan sartutako distira
sartu da gure kamara eta begira.
A zer ikusmira!
Elixabet San Sebastian.
