Gaur goizean elkartu dira berriro Tubos Reunidos enpresako zuzendaritza eta langileen ordezkariak negoziazio mahaian eta ostiralean jarraituko dute, ez baitute ezer aurreratu gaurko hitzorduan.
Hala ere, zuzendaritzak argi eta garbi adierazi du akordioa lortu nahi duela “bake soziala” bermatzeko lantegian. Asmo horren aurrean, sindikatuek mobilizazioen inguruan eztabaidatzeari ekingo diote.
Printzipioz, ELA eta LAB sindikatuek enplegua erregulatzeko espedientearen aurkako jarrera azaldu dute eta CCOOk, UGTk eta VTRk, ordea, oraindik eztabaidatu behar dute euren afiliatuekin.