Apirilaren 8tik aurrera, Gasteiz eta Madril lotzen dituen goizeko lehen Alvia trena 8:08etan abiatuko da, 6:48etan beharrean. Madrilgo Chamartin-Clara Campoamor geltokia handitzeko obrak direla eta egin du aldaketa Renfek. Berregituraketa dela eta, gainera, ohiko erabiltzaileek denbora gehiago emango dute bidaian –hiru ordu eta erdi luze–; eta Gasteiz eta Madril arteko txartel merkeena (44,50 euro) galduko dute.
Renfek kenduko duen trenak eguneko zerbitzurik goiztiarrena eta merkeena eskaintzen zuen; Donostiatik ateratzen zen, 5:05etan, eta geldialdiak egin zituen Tolosan (5:27), Zumarragan (5:55), Gasteizen (6:48), Miranda Ebron (7:08), Burgos Rosa Manzanon (8:04), Valladoliden (8:46), eta, azkenik, Madril-Chamarton-Clara Campoamorren, 9:53etan.
2019ko ekainetik gaur arte, Gasteizko geltokiak Bartzelona, Zaragoza eta orain Madril bezalako hiriekiko hainbat lotura galdu ditu, zuzeneko zerbitzuen eskaintza murriztuz eta ohiko erabiltzaileen artean kezka areagotuz.