Urtero bezala, gasteiztarrek eta Gasteizera etorri eta aparkatu behar dutenek atseden bat izango dute abuztuan, TAO bertan behera geldituko baita abuztuaren 4tik, 14:00etatik aurrera, hilaren 31ra. Zerbitzua normaltasunera itzuliko da irailaren 1ean, ostegunean, 10:00etatik aurrera.
Lurrazaleko aparkaldi mugatuko zerbitzua arautzen duen ordenantzak berak ezartzen du jaiegun ofizialetan ez dela ordenantza aplikatuko, ezta abuztuaren 5tik 31ra bitartean ere, bi egun horiek barne. Halaber, ordenantza horrek ezartzen du abuztuaren 4a lanegun egokituz gero, 14:00etan amaituko dela TAO araudia.
Udalak ohar bat jarriko du txartelak saltzeko makinetan, TAO aldi baterako bertan behera geratuko dela jakinarazteko.