alea.eus

El Corte Ingleseko zamalanetako kaiaren inguruko txosten juridikoa eskatu du EH Bilduk

Erredakzioa 2017-04-04 11:37   Gizartea  Gasteiz

"PPk eta EAJk akordio bat erdietsi dute 800.000 euro inbertitzeko. Operazio honek zentro komertzialari fabore bat egitea suposatzen du", azaldu du EH Bilduko zinegotzi Antxon Belakortuk.

El Corte Ingleseko zamalanetako kaiaren inguruko txosten juridikoa eskatu du EH Bilduk
El Corte Ingleseko zamalanak lurperatzea aurreikusten du Udalak. | Ikusi handiago | Argazki originala

Aurreko astean Gasteizko Udalak Santa Barbara plaza eraberritzeko aurkeztu zuen txostenak El Corte Ingleseko zamalanak lurperatzea ere aurreikusten du; eta hain justu ere, lan horiek piztu dute eztabaida Udaleko alderdi politikoen artean. Urtaranen gobernuak dio egingarria bada egitasmoan sartu egingo dela obra hori, Jaurlaritzaren aurrekontuari gehitutako 800.000 euroko partidaren bidez. Gaineratu du proiektua idatziko duela orain eta aurrera atera ezkero, saltokiaren inplikazioa beharko dela. 

EH Bilduk txosten juridikoa eskatu dio udalbatzako idazkari orokorrari, zamalanetako kaia zabaltzearen inguruaren dauden zalantzak argi ditzan. Antxon Belakortu zinegotziak honakoa salatu du: "PPk eta EAJk akordio bat erdietsi dute 800.000 euro inbertitzeko. Operazio honek zentro komertzialari fabore bat egitea suposatzen du". 

Udala El Corte Inglesaren "mesedetan" ezin dela ibili adierazi eta zera azpimarratu du: "Kaiak zarata eta eragozpenak eragiten dizkie auzokideei eta zentro komertzialak berak obraren kostua bere gain hartu beharko du".  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa