alea.eus

Itzalaldia Gasteizko hainbat auzotan

Erredakzioa 2017-03-27 16:57   Gizartea  Gasteiz

Santiago etorbideko azpi-estazio elektrikoan sute bat jazo da eguerdian, eta Gasteizko hainbat auzo argirik gabe geratu dira.

Itzalaldia Gasteizko hainbat auzotan
Gasteizko suhiltzaileak sutea itzali dute. SUHILTZAILEAK | Ikusi handiago | Argazki originala

Gasteizko suhiltzaileek 12:30ak aldera jaso dute abisua, Arana-Santa Luziako azpi-estazio elektrikoko transformadore batean sortutako sute txiki batek elektrizitate etenak eragin dituelako Gasteizko zenbait auzoetan. Bakea kalean, Los Herranen, Salburua, Judimendi, San Cristobal edo Adurtza auzoetan pairatu dute argi-etena.

Sutea txikia zen eta berehala itzali dute suhiltzileek, baina Iberdrolako teknikariak zerbitzua osorik berreskuratu arte luzatu egin da argi-etena. Hiriko zenbait auzoetako negozio, enpresa eta etxebizitzei eragin die ezbeharrak, bai eta semaforo-erregulazioari ere.

 

 

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa