alea.eus

Udalak dosierra abiarazi dezake FCC eta GMSM enpresa-elkartearen kontra

Erredakzioa 2017-02-15 14:31   Ekonomia  Gasteiz

Kontratuan zehaztutako 364 lanpostu finkoak berronartzeko eskatu dio Udalak garbiketa enpresari.

Kontratuan zehaztutako 364 lanpostu finkoak lehengoratzen ez baditu, Gasteizko Udalak arau-hauste larriagatiko dosier zigortzailea abiaraziko du garbiketa-kontrataren kontra. Ingurumen zinegotzi Iñaki Prusillak iragarri du neurri hori, FCC eta GMSMek osatutako aldi baterako enpresa elkarteak azken astean zortzi langile kaleratu ondoren. “Arau-hauste larriagatiko dosier zigortzaile batek ondorio garrantzitsuak izan ditzake”.

Azken astean enpresarekin zein langileekin bildu da Iñaki Prusilla: "Kaleratze horiek ez dute ezer konpontzen, eta egoera zailean jartzen dute Gasteiz hiria. Udalak ez du onartuko enpresa horrek edo besteren batek eman ez dituen zerbitzuengatik ordaintzea, udal gobernuaren betebeharra bait".

Agintaldi honetan dagoeneko zazpi dosier ireki dizkio udal gobernuak zerbitzua ematen duen enpresari. Kontratak eman ez dituen zerbitzuak milioi bat euro baino gehiago direla kalkulatu du Urtaranen gobernuak, eta zenbateko hori Udalak urtean ordaintzen dituen 22 milioi euroetatik kenduko da.

 

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa