Gaur, hilak 18, elkarretaratzea deitu du Gasteizko mugimendu feministak, 20:00etan Andra Maria Zuriaren plazan, azken egunotan izan diren eraso matxistak salatzeko. Protesta bikoitza izango da. Batetik, Sara Majarenas euskal presoaren bikotekideak bi urteko alabari egindako eraso matxista salatuko dute, eta bestetik, Burlatan gertatu den hilketa; astelehenean atxilotu zuten gizon bat, Burlatan, emakumea hil eta gorpua Ultzama ibaira bota zuela aitortu ostean.
Tratu txarrak pairatzen badituzu edo kasuren bat ezagutzen baduzu, deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.