Guardiako Udalak herria ordezkatuko duten bi gazte guardiarren bila ari da, ohar batean ezagutzera eman duenez. Zehazki, ekainaren 22an eta 23an Georgiako hiri horretan egingo duten Gazteriaren Nazioarteko Foroan parte hartzeko deialdia da. Bi gazteek Guardia ofizialki "modu aktiboan" ordezkatuko dute biltzar horretan, Arabako Errioxako herriarekin senidetutako hiria baita Gurjaani.
Ekainaren 1era arte irekita dago izena emateko epea, Guardiako udaletxean. Aurkeztutako hautagaien artean zozketa egingo dute. Adin eskakizunaz gain, hautagaiek ingelesa jakin behar dute. Informazio gehiago eskuratu nahi dutenek turismo bulegora jo dezakete.