Uraren Euskal Agentziak, Eltziegoko Mayor errekaren eskuinaldean higatutako erriberako tarte bat leheneratu du. Tartea mahasti-finka baten ondoan dago; ibilguak meandro handi bat egiten du han eta ur-lasterrak ertzaren oinarria nabarmen higatzen joan da, gero eta zulo handiagoa sortuz. Lurren arrastatze naturalak ibaiertza ezegonkor utzi du, besteak beste, babestu eta sendotuko zuen ibaiertzeko tokiko landarediarik ez zuelako.
Beraz, higadurari aurre egin zaio, arku itxurako zurezko piloteen pantaila bat sortuz ibaiaren ohantzean bertan: jatorrizko meandroaren trazadurari jarraituz, eta zuloa landare-lurrez betez. Ondoren, ibaiertza landareztatu eta landareak sendo sustraitzea bilatuz ibaiertzaren egonkortzea bilatu da.