Datorren astean aurkeztuko du Katixa Agirre idazleak Berriz zentauro azken eleberria Elkar argitaletxearekin, eta hori iragartzeko liburuaren azala zabaldu du sare sozialetan. Instagramen, baina, berak azaldu duen moduan, zentsuratu egin dute titiburu bat ikusten delako.
"Gure jarraibideek pertsona guztiak errespetatzen dituzten adierazpenak egitera bultzatzen dute", helarazi diote Instagrametik idazleari irudi hori debekatzeko. Titiburua zentsuratuta jarri behar izan du idazleak, azkenik, azala erakutsi ahal izateko. "Berriz zentauro… oraingoan titiburua zentsuratuta. Datorren astetik aurrera zure herriko liburu-dendan zentsurarik gabe!", idatzi du idazleak.
Metaversoa, Paris eta Mary Wollstonecraft. Jantzi OFtalak eta sartu mundu zoro honetan.
— Katixa Agirre (@katixagirre) August 29, 2022
Datorren astean jaioko da nobela berria. @elkar
Azaleko argazkia: @CloudyDonna pic.twitter.com/sw3lbLgGlH