Uda honetan, Baroja, Ekora, Elvillar, Uribarri-Harana, Korres, Trebiñu, Izarra, Etxaurren, Lantziego, Pipaon, Zubillaga, Samaniego, Aramaio, Ondategi, Argantzon, Eltziego eta Okinara iritsiko da MagialdiArabaren VIII. edizioa, lurraldeko 17 herritara ilusioa eramateko; hau da, aurreko edizioan baino bat gehiagora.
Abuztuaren 26tik irailaren 11ra bitartean, eta Gasteizko Magialdiarekin batera 24 eguneko programazioa osatauz, harrentzako zein helduentzako magia lantegiak, hurbileko magia animazioa eta magia ekitaldiak eskainiko ditu; tartean, Asier Kidam, Tor Magoa, Hodei Magoa, Imanol Ituiño eta Txoborro Magoaren ikuskizunak. Emanaldiak elebidunak edo euskara hutsezkoak izango dira.
Herriek egindako eskaeren errekorra hautsi du aurtengo edizioak: guztira, 36 eskaera izan dira, eta horietako zazpitara lehen aldiz iritsiko da magia jaialdia.