Ez du areriorik izan korrikalari gasteiztarrak. Javi Dominguez lehen postuan joan da hasieratik mendiko lasterketa ospetsuan. Seigarren garaipena lortu du (24.04.11) Ehunmilak proban.
Proba atzo 18:00etan abiatu zen Beasaingo plazatik, 168 kilometroko luzera eta 11.000 metroko desnibel positiboa duen lasterketa. 435 parte hartzaile irten ziren, eta hasieratik markatu zuen Dominguezek bere erritmoa; 17:05 inguruan heldu da helmugara.
Seigarren garaipenarekin pozik agertu da Dominguez, "gustura" egindako probarekin. Gazteiztarrak, ordea, ez du lortu Jon Aizpuru beasaindarrak 2019an ezarritako marka gainditzea (22:21:54).