alea.eus

5.000 lasterkari bilduko ditu Martin Fiz maratoiak

Erredakzioa 2017-04-11 13:57   Kirola  Araba

Guztira, sei proba izango ditu maiatzaren 14an egingo duten lasterketak; maratoia, maratoi erdia, maratoi txikia, patinen lasterketa, 

5.000 lasterkari bilduko ditu Martin Fiz maratoiak
Iaz lasterkariz bete ziren Gasteizko kaleak, Martin Fiz maratoian. | Ikusi handiago | Argazki originala

Gaur EDP Vitoria-Gasteiz Martin Fiz maratoiaren XV. edizioa aurkeztu dute Goiuri jauregian; aurten zenbait berrikuntza dakar maiatzaren 14an egingo den kirol ekitaldiak. Guztira, sei proba izango dira egun horretan: maratoia (42 km), maratoi erdia (21 km), 10K proba, Maratoi txikia eta patinen lasterketa hiru (42 eta 10 km eta txikien lasterketa). 

Antolatzaileek 5.000 parte-hartzailetik gora aurreikusten dute aurtengo ediziorako, eta 578 pertsona inguru izango dira antolakuntzan.

Oinezkoen lasterketak goizean izango dira; maratoi nagusia 9:00etan abiatuko da, Herrandarren kaletik. Txikiak 10:30ean aterako dira Andre Maria Zuriaren plazatik, eta kilometro bateko ibilbidea egingo dute. 0 eta 12 urte bitarteko neska mutikoek parte-hartu ahal izango dute, txikienek beti ere gurasoek lagunduta. Bertan parte hartzeko web gunean eman beharko dute izena edo Boulevard Merkataritza Gunean. Dortsalaren prezioa euro bat izango da eta batzen den diru guztia Aspanafoa elkarteari emango zaio. 

Patinatzaileei dagokienez, aurten lehen aldiz, eguerdian lehiatuko dira, lasterketa 14:30ean hasiko baita.

Izen-emate epeak irekita jarraitzen du eta tarifak askotarikoak dira, aukeratzen den lasterketaren araberakoak, 20 eurotik 50 eurora. 

Gosari osasuntsua 

Gainera, maratoiaren bezperan, maiatzaren 13an, goizez, antolatzaileek ekitaldi bat antolatu dute dagoeneko Gasteizen egongo diren maratoilari eta laguntzaileentzat, Breakfast Run izenekoa. Skechers-ek antolatutako lan-saio arina izango da eta bertaratzen direnek Martin Fizekin korrika egiteko aukera izango dute. Ondoren gosari osasuntsua eta running-aren gaineko hitzaldia izango dira. 

 

 

 

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa