Dantza garaikidea sustatzeko eta zabaltzeko asmoz jaio da Danzalava ekimena, Pas de Basque guraso elkartea, Altraste Danza taldea eta Jose Uruñuela udal dantza kontserbatorioaren ekimenez. Egitasmoaren lehen edizio honetan lantegiak, koreografia erakustaldiak eta euskal koreografo gazteei laguntzeko topaketa programatu dituzte.
Lantegiak, esaterako, 2017ko lehen seihilekoan dira, eta estatuko zein atzerriko dantza garaikideko irakasle eta profesionalak etorriko dira. Besteak beste, Iñaki Azpillaga, Guillermo Weickert, Victoria P. Miranda eta Daniel Abreu igaroko dira Gasteiztik.
Jose Uruñuela udal dantza kontserbatorioak hartuko du Danzalava ekimena eta bertako irakasleek eta ikasle-ohiek aholkularitza emango dute.
Sentsibilizazio tailerrak eta koreografoen topaketa
Era berean, publikoa sentsibilizatzeko xedez, jende orori irekitako sentsibilizazio-hitzaldiak antolatuko dituzte, hiriko zenbait talderekin batera: TAE, Sinkro Gunea eta Kolectivo Monstrenko. Erakusketa hauek hilean behin egingo dira, otsailetik apirilera bitartean. Azkenik, koreografoen topaketa bat egingo dute Gasteizen, beren lanak aurkeztera datozen koreografoen eta Euskadiko koreografo gazte berrien artean.
Informazio gehiago: Danzalava 2017 egitaraua