alea.eus

Arabako herriak, goitik begiratuta

Erredakzioa 2017-01-05 11:49   Gizartea  Araba

Aldundiak aireko argazkiak egin dizkie 18 udalerriri.

Duela zenbait hilabete Arabako hamalau udalerrien aireko argazki-bilduma aurkeztu zuen Aldundiak, eta orain beste 18 gehitu ditu zerrenda horri. Guztira, Arabako 32 udalerritako 212 herriguneren aireko argazkiak eginda daude, eta Arabako Foru Aldundiak lan grafiko hori egiten jarraituko du, Arabako geografia guztia osatu arte. Zehazki, udalerri hauek gehitu dira: Amurrio, Aramaio, Armiñon, Arratzua -Ubarrundia, Bernedo, Eltziego, Bilar, Iruña Oka, Kripan, Kuartango, Bastida, Guardia, Lantziego, Moreda Araba, Navaridas, Oion, Eskuernaga, Iekora eta horietako 87 kontzejuak.

Irudi hauei esker errazagoa izango da hirigintza plangintza, eta argazkiok Ingurumen eta Hirigintza Sailak lehendik dauzkan kartografia eta ortoargazkiei batuko zaizkie.

Kalitate handiko airetiko irudi horiek arabar guztien esku daude, araba.eus webgunean.

 

Ikusi irudi guztiak: Arabako herriak, goitik begiratuta

 

Elvillar / Bilar

Zuhatzu Kuartango

 

Kripan

 

Ikusi irudi guztiak: Arabako herriak, goitik begiratuta

Erantzunak

Erabiltzailearen aurpegia Asier Sarasua Garmendia 2017-01-05 16:47 Erantzuna | #1

Pena da Aldundiak ordaindutako argazki horiek ezin direla beste inon berrerabili. Euskarazko wikipedian, adibidez, oso ondo hornituko lituzkete Arabako herrien artikuluak. Arabako Aldundiak lizentzia itxi bat erabiltzea aukeratu duenez (copyright bat), ezin dira wikipedian txertatu. Hurrengorako ondo egongo litzateke CC-BY (Creative Commons) motako lizentzia bat erabiliko balute.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa