Txillardegiri Gasteiztik

TXILLARDEGIRI GASTEIZTIK

Doinua: Gogoratzen naiz lehengo amonen…

Hona zu etorri zinen batean

Gasteizko euskaltzaleengana, 

aipagai zure gazte garaian

hiri honek zuen zama:

“Hizkuntza aldetik Salamanca edo,

ia ematen zuana”.

Zorionean denbora hori 

aspalditik da joana,

zeren ikusi zenuen nola

joan den ehuntzen euskal trama,

astiro, baina goraka doa

gure euskaldun izana.

Gasteiz, jada, ez da Salamanca,

hainbatek egin du lana.

Zureak ere lagundu digu

gu biltzen elkarrengana.

2012/01/31

Egilea: XAbi Rico