Azken egunotako giro gris eta euritsuak segida izango du gaur. Zeru hodeitsuak espero izatekoak dira, bai eta zaparrada txikiak ere. Haizeari ere ez zaio antzematen aldatzeko asmorik, eta iparretik jotzen segituko du, bolada gogorrekin. Tenperaturen bilakaera ez da asko aldatuko ere, Gasteizen eguneko tartea 6 eta 10 gradu artean geratuko baita.
Ostirala ere berdinetan etorriko da. Zeru estaliak eta zaparrada txikiak izango ditugu. Bereziki goizean haizeak are gogorrago joko du ipar partetik, eta elur kota 1.400 metroan egongo da. Termometroetan 6 eta 9 gradu arteko mugimendua baino ez dugu ikusiko.