Ozetako bizilagunek saria jasoko dute, puntu berde mugikorra erabiltzeagatik

Saioa Fdz. de Arangiz 2016ko api. 25a, 13:49

Herri horretako familien % 25ak sarritan erabiltzen du zerbitzu hori, besteak beste, pilak, bateriak, olioa eta mugikorrak bezalako hondakin bereziak birziklatzeko.

Arabako Foru Aldundiak Ozetako bizilagunei saria emango die gaur arratsaldean, puntu berde mugikorra gehien erabiltzen duen herria izateagatik.

Izan ere, herri horretako familien % 25ak sarritan erabiltzen du zerbitzu hori, etxeko hondakin bereziak birziklatzeko erabiltzen dena, besteak beste, pilak, bateriak, fluoreszenteak, bonbillak, olioa, tonerrak, erradiografiak, mugikorrak eta CDak.

Saria Javier Ugarte Ozetako Administrazio Batzarreko lehendakariak jasoko du, eta Arabako Foru Aldundiaren egoitzan emango da; gainera, Barrundiako eta Aguraingo Kuadrillako ordezkariak izango dira bertan.

 Arabako 349 herritan

Guztira, Arabako 349 herrik dute aukera puntu berde mugikorraren foru zerbitzu hau erabiltzeko. Iaz Arabako landa zonako 3.759 bizilagunek erabili zuten zerbitzu hori, eta, hartara, 38,8 tona hondakin birziklatu zituzten.

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide