Hiriburuko tabernetan kontzertuak egon ziren eguerditik gaueko ordu txikiak arte; Matxete plazan txosnagunea eta ikuskizun ezberdinak; Probintzia plazan olerki eta dantzak; Plaza Berrian umeentzako txokoak … Eta beste hainbat ekintza.
Hilabete ugari eman zituzten antolakuntzatik dispertsioaren aurkako eguna prestatzen eta, azkenean, dispertsioaren aurkako hiriburua bihurtu zen Gasteiz. Arratsaldeko 18:00etan Olagibel kaletik abiatu zen "ManiFesta" arrakastatsua izan zen, oso; musika lagun, milaka lagunek dantza egin zuten "Euskal presoak etxera! oihukatzen zuten bitartean. Ekitaldia ere, dibertigarria izateaz gain, hunkigarria izan zen, zeharo.