alea.eus

Mendizorrotza eraberritzeko proposamena aurkeztu du Alavesek

Erabiltzailearen aurpegia Daniel Sanz Moreno 2016-12-19 16:18   Kirola

Estadioa bera berritzeaz gain, kirol hiria eta jokalarientzako egoitza eraikitzea proposatu du klublak. 32.000 lagunentzako tokia izango luke.

Mendizorrotza eraberritzeko proposamena aurkeztu du Alavesek
Alavesek Mendizorrotza berriaren proiektua aurkeztu du. | Ikusi handiago | Argazki originala

Deportivo Alavesek Mendizorrotzaren berrikuntza proposatu du, bere webgunean iragarri bezala. Taldeak bizi duen belaunaldi berriagatik estadioa zaharberritu nahi du klubak. Guztira 32.000 lagun bertan sartzea aurreikusten du klubak. Mendizorrotza eraberritzeaz gain, kirol hiria eta jokalarien egoitza eraikitzea aurreikusten du proiektuak. Dato kalean jarri dute proposatutako estadioaren maketa, herritarrek proiektuaren nondik norakoak ikus dezaten.

Guztira, 50 milioi euro inguruko kostua izango luke obrak, izan ere, momentuz klubaren proposamena da, Udalak ez baitu datorren urterako aurrekontuen zirriborroan lan hauek aurrera eramateko partidarik.

Futbolak eragindako aukera ekonomikoak aprobetxatu nahi dituela azpimarratu du klubak, hala nola, Lehenengo Mailak erakartzen duen kirol-turismoa sendotzea, kirolez kanpoko ekitaldiak barne hartzea, enpresak erakartzea eta lanpostuak sortzea.

"Gasteiz eta Arabarentzako proiektua"

Mendizorrotza berria "Gasteiz eta Arabarentzako proiektua dela" nabarmendu du Alaveseko presidente Josean Querejetak. Azaldu duenez, hirian eragin zuzena izango du. 

Sortu zenetik 100 urte beteko ditu klubak, 2021. urtean, eta urte horretarako amaitu nahi dituzte estadioa berritzeko lanak.

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa