Gasteiztarrak Arraun The World argazki-hizki lehiaketan saritutako argazkien erakusketa zabalik da Oihanederreko Jovellanos aretoan, urriaren 28ra arte. Iaz bezala, argazki irabazleez gain, lehiaketara aurkeztutako beste lehiakideen irudiak pantaila digital batzuetan ikusteko aukera izango da.
Gaizka Untzuetaren Kirgizistan: zeruko mendien magalean; Koldo Zubizarretaren Namibian basamortua biziz; Maitane Nietoren Hesirik gabeko kartzela Ghanan eta Ania Fernandez de Ganboaren India harrigarria izan dira epaimahaiak saritu dituen lanak. Lehenengo biak 30 urtetik gorakoen sailean, eta beste biak 18-30 urtekoen artean. Lehiaketara 27 lan aurkeztu ziren eta 540 argazki inguru.
Erakusketaren ordutegia:
- Asteartetik ostiralera: 18:00-21:00
- Larunbatetan: 11:00-14:00 eta 18:00-21:00
- Igandeetan: 11:00-14:00
Erakusketarekin batera, argazkietan jasotako bidaien aurkezpen publikoak egingo dira urrian zehar:
- Urriak 16, 19:00: Hesirik gabeko kartzela Ghanan –Maitane Nieto & Javier Galapero–, Pura Vida tabernan (Arana).
- Urriak 18, 19:00: India harrigarria (Ania Fernandez de Ganboa), Koxka tabernan (Salburua).
- Urriak 23, 19:00: Kirgizistan: zeruko mendien magalean (Gaizka Untzueta), Dazz tabernan (Alde Zaharra).
- Urriak 30, 19:00: Namibian basamortua biziz (Ainhoa Perez de Nanclares eta Koldo Zubizarreta), Orient Expres tabernan (Txagorritxu).