alea.eus

Kintxo luthier arabarra omentzeko kontzertu solidarioa antolatu dute

Erredakzioa 2017-05-12 11:24   Kultura  Araba

Aurreko otsailean hamaika musika tresna lapurtu zituzten Joaquin Marco Kintxo musikariaren lantegitik, guztira, 32.000 euro. Kontzertua hilaren 26an izango da Hell Doradon.

Gasteizko musikariek bat egin dute Joaquin Marco Kintxo baxu-jotzaile eta luthierraren ibilbideari omenaldia egiteko. Datorren maiatzaren 26an hiriko sei taldek kontzertua eskainiko dute Hell Doradon; BlueJam, Handicap, Más de lo Mismo, Tribus Ocultas, Zerendepya eta Edición Especial taldeek, hain zuzen ere. Kontzertuez gain, jam sessiona, photocall-a eta artelanen zozketa egingo dira.

Aurreko otsailean Joaquin Marco musikariaren lantegian lapurtu zuten, eta 32.000 euroko balioa duten 11 musika tresna eraman zituzten, tartean, Kintxo berak egindakoak. Lapurretaren eraginez, lantegia itxi zuen, eta orain Kintxo laguntzeko omenaldia antolatu dute inguruko musikariek.

Musikari arabarra Drakkar, Viento de Locos, Una Noche sin Sabina eta Tribus Ocultas taldeetan jo du, eta 70. hamarkadan luthier ibilbideari ekin zion. Bere tresnetako batzuk nazioarteko mailako errekonozimendua jaso dute.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa