Dulantziko Udalak elkarretaratzera deitu du iganderako, hilaren 28rako, Martxoak 3 plaza ofizialki inauguratu eta biktimen omenezko oroitarria aurkezteko. Joseba Garitagoitia alkateak azaldu moduan, ekitaldi "xumea" egin nahi dute Gasteizko sarraskian hildakoak gogoratzeko. Alderdi guztiek eman diote babesa ekinaldiari.
Marques de Santillana militarraren izena zuen plazak orain arte, eta Martxoak 3 plaza izendatuko dute aurrerantzean; Felix Saint Bois eta Gonzalo Marcos artistek egindako oroitarria aurkeztuko dute bertan, 13:00etan. Biktimen elkarteko hainbat kidek parte hartuko dute ekitaldian, Lautadako udaletxeetako ordezkariekin batera.