Azaroaren 7tik 9ra bitartean Pilotaren Egunaren II. edizioa ospatuko da Gasteizen.
Adin guztietako lagunentzat zuzendutako jardueraz beteriko hiru egun izango dira eta besteak beste, zesta punta, paleta gomazko pilotarekin, esku pilota eta eskola-txapelketa izango dira protagonistak. Guztira, 700 pilotari inguru lehiatuko da.
Azaroaren 9an egingo den eskola-txapelketan 625 haurrek hartuko dute parte: esku pilotako 21 eskolatan, palazko 16tan eta zesta puntako 1ean aritzen dira, eta Araba eta Gasteizko frontoiak beteko dituzte egun horretan.
Azaroaren 8an Gasteizko Udala zesta punta lehiaketa jokatuko dute Olave frontoian 4 pilotari gasteiztarrek. Lehiaketaren finala 15ean izango da.
Azaroaren 7an hasiko da Lakuako pilotalekuan Nazioarteko paleta lehiaketa gomazko pilotarekin, emakumezkoentzat. 14 emakume arituko dira, hilaren 9an jokatuko den finalean sartu asmoz.
Pilotaren jaialdiaren amaiera azaroaren 9an izango da Ogeta frontoian, arratsaldeko 17:00etan. Bertan profesionalen lau eta erdiko final laurdenetako ligaxkako partida bat jokatuko da, eta garaiko pilotari onenetarikoren bat arituko da, dela Aimar Olaizola, dela Juan Martínez de Irujo. Horren ostean, binakako partida batek emango dio amaiera jaialdiari.
Fernando Palacios “Ogeta” Arabako Euskal Pilota Elkarteko zuzendariari HirinetFM-en egindako elkarrizketa:
{mp3}fernando palacios ogeta_elkarrizketa{/mp3}