Jakin badakit, askok aurpegi luzea ipini duzuela, kirol hau lesioekin eta sufrimenduarekin lotua dagoelako sozialki, zenbait kasutan norbere burua gai ikusten ez duelako, eta bati baino gehiagori ziur beldurra sortarazten diolako. Dena den, esan beste kirol mota bat praktikatzeak bezainbesteko arriskua duela, hau da, oso ttikia eta aldiz onura asko ditu. Gainera, zu ere gai zara, besteok moduan, baina ez duzu hori jakingo lehen pausua eman arte, lasterka hasi arte, hain zuzen ere.
Esango nuke behin baino gehiagotan sentitu duzula korri egiteko grina, askotan esan duzula “nik ere nahiko nuke korri egin”, kalean beste pertsona bat lasterka ikustean, hirian burutzen diren lasterketa probak ikustean, korri egiten duen zure lagun batek gonbita luzatzean… Baina beti, zerbaitek atzera bota zaitu, hori bai, gaur arte!
Izan ere, hurrengo asteetan, lasterkako oinarrizko gomendio batzuk eta entrenamendu pausuak eskainiko ditut (materiala, elikadura…), honela, oinarrizko informazioa izanda, prest egongo zarelarik urte berria ilusioz betetako erronka honekin hasteko.
Halaber, lasterka egiten hasteko irrika geldiezina sortu bazaizu, hona hemen aste honetarako proposamena:
1-Eguna: 3min oinez, 2min lasterka, 4 aldiz errepikatu. Guztira 20min.
2-Eguna: 3min oinez, 2min lasterka, 4 aldiz errepikatu. Guztira 20min.
3-Eguna: 3min oinez, 2min lasterka, 5 aldiz errepikatu. Guztira 25min.
Iturria HEMEN
Gomendio gisa esan, hasieran eta bukaeran, hurrenez hurren beroketa eta barealdi gisa, egokia litzatekeela 15 minutu oinez ibiltzea. Bestetik, aipatu helburua ez dela lasterka azkar egitea, baizik eta hemendik hilabete gutxira minutu dezente lasterka egitea, beraz lasai hartu!
Mikel Villarrolain