Astelehena, azaroak 27

17:30

Lodifobia eta gorputz eredugarriei kritika

Hartzaileak: Emakumeak eta sexu- eta genero-disidenteak. Trebatzailea: Laura Galar, militante lodia eta transfeminista. Hainbat elikagai jan ostean gaizki sentitzen zara? Lodia izatea gaixotasuna dela uste duzu? Lagun lodiak dituzu? Jende lodia desiratzen duzu? Zer gertatuko litzateke bihar lodi(ago) esnatuko bazina? Gaizki sentiaraziko lizuke horrek? Nola liteke hori, zu feminista izanda? Lantegi honetan, lodifobia zer den, nola egituratzen den, matxismoarekin, arrazakeriarekin, klasearekin edota beste zapalkuntza batzuekin nola gurutzatzen den eta horrek nola eragiten digun landuko dugu, eremu seguru batean, galdera horien inguruan pentsatuz eta gure esperientzia eta bizipenetatik abiatuta. Izena emateko aldia: 2023ko irailaren 1etik tokiak bete arte Informazioa eta izen-emateak: 010 Gizarte-etxeak eta kirol-instalazioak www.vitoria-gasteiz.org/eskolafeminista

18:00

'Besoetako ipuinak', Apikaren eskutik

Irudi poetikoekin, objektuen bitartez jolastearekin, soinu atseginekin, abesti txikiekin eta liburu sorta zehatz batekin gozatuko dugu. Haur literaturara hurbiltzea, harridura eta emozioa ardatz hartuta. Adina: 12-46 hilabete.

18:00

'Poltsikorako poemak', Amaia Egidazu eta Saroa Bikandi

"Poltsikorako poemak" poema ilustratuen bilduma da. Sorpresak gordetzen dituzte eta entzun, ikusi eta ukitzeko aukera ematen digute kontakizunaz gozatzeko. Poesia berriak sortuko ditugu eta, collage teknika erabiliz, nork bere liburuxka sortuko du. Publikoa: 7-12 urte.