Osteguna, otsailak 23

17:30

[EKINTZA OSAGARRIA] Xaboi eta produktu naturalen tailerra

Geu elkarteak antolatuta. Osagai naturalekin zerotik eta eskuz, xaboiak egiten ikasiko duzue tailer honetan. Oloa, patxulia, menda-belarra… Zentzumenentzako atsegina eta zuen azalarentzako opari ederra! Eta tailerraren ostean, pintxopotera animatu zaitezkete Judimendi auzotik!

18:30

[GURASOLAGUNAK] Eskulanak familian

Familia karta-jokoa egingo dute.

18:30

Zein etorkizun opa diogu euskarari Urkabustaizen?

Urkabustaizen euskarari bultzada emateko lanak ez du etenik: eguneroko lana da. Hala ere, noizean behin ondo dago geldiune bat egin, patxada apur bat hartu, eta gure buruari galdetzea: Zer etorkizun opa diogu euskarari gure udalerrian?. Urkabustaizko Udala eta Gorbeialdeko Kuadrilla euskararen normalizazio-lanen fase berri batean sartuko dira 2023an. Euskara plan berriak egiteko garaia da, eta horrek gauza batzueri buruz pentsatzea eskatzen du.

19:00

[JABETZE FEMINISTARAKO ESKOLA] 'Writing with fire', Rintu Thomas, Sushmit Ghosh

Prentsa-askatasunaren eta feminismoaren aldeko alegatu boteretsu eta beharrezkoa. Indiako emakume batzuen istorio inspiratzailea du oinarri: emakume horiek, guztiaren eta guztien kontra, emakumeak bakarrik zituen lehenengo egunkaria sortu zuten. Jatorrizko bertsioa hindiz, euskarazko azpitituluekin. Informazio gehiago: https://labur.eus/l5tsG Gonbidapenak: www.vitoria-gasteiz.org/eskolafeminista

19:00

Emakumeak sasi-izenpean, Josune Muñoz. Skolastika

Mendeetan zehar idazteaz gain, liburuak argitaratu nahi izan dituzten emakumeak oztopoz betetako plazan sartzen ziren. Bailabiderik erabiliena emakumeen izenak desagertaraztea edo sasi-izena bilakatzea izan da. Eta euskal literaturan?

19:30

[EUSKAL ZINEMAREN ASTEA] 'Erroak', 'Gelditasuna ekaitzean'

'Erroak', sinopsia:  Arabako landaren despopulazioa egitate bat da. Hainbat herritan gertatzen dena errepasatzen dugu eta bertako biztanleei entzuten diegu. IRAUPENA: 18 min. 'Gelditasuna ekaitzean', sinopsia: Lara Paristik Donostiara itzuli da Telmorekin, bere bikotekidearekin, hirian behin betiko bizitzeko asmoz. Daniel ez da inoiz hiritik atera, orain bere andregaiarekin bizi da, Verarekin, eta amaren higiezin-agentzian egiten du lan. Lararen eta Danielen bizitzak gurutzatu egingo dira salgai den etxebizitza baten bisitaldian, baina agian ez da elkar topatzen duten lehen aldia. Iraganaren eta orainaren artean, beste garai batean beste bide batzuk hartzeko aukera izan zuten bi pertsonaren maitasun-istorioa aztertzen du. IRAUPENA: 96  minutu.