Azken urteetan bezala, Bertso Eskolak, Alaiak jubilatu elkarteak, Papargorri abesbatza eta Triki kale-jira trikitixa elkarteak Santa Ageda antolatu dute, eta entsaioetan zein egunean bertan parte hartzera gonbidatzen dituzte herritar guztiak.
Lantegiak euskaraz eta doakoak. Lau urtetik hamar urtera arteko umeentzat. Euskharanek antolatuta.
Munduko mendi garaienen tontorretan bizi da eguzki-argi garbienaz elikatzen den landarea… Himalaiako lorea. Yuku sagutxoak familia atzean utzi eta betiereko argia duen lore horren bila abiatuko da bere amamari eskaintzeko, hura laster eramango du-eta sator itsuak Lurraren sakonera. Baina lorea aurkitzeko, Yukuk oztopoz betetako bidea gainditu beharko du: gaztelu azpiko estolda-arratoien eremu beldurgarria zeharkatu beharko du, bele anker eta gosetien belardia, denak galtzen diren baso sorgindua, eta batez ere… otsoak zaintzen duen Ikararen Zubia! Bidaian zehar, ordea, bere musika eta kantuei esker, Yukuk lagun asko egingo ditu. Eurak dira bizitzaren abenturan arrakasta izateko euskarririk onena.
Aurten ekitaldi berezi bat prestatu du Oketa taldeak. Euskal Herriko zonalde desberdinetako dantzak egingo dituzte. Egun herrikoia izango da, guztiok disfrutatzekoa. Goizean goizeko dantza emanaldiaren ostean, bazkari bat antolatu dute, aspaldiko partez guztiok elkartzeko eta elkar ezagutzeko. Horren ostean dantza plaza bat eta aurreko kurtsoan Zigoitiako memoria historikoaren inguruan Abadelauetarekin batera grabatutako bideoaren erreprodukzioa izango dute. *Bazkariaren inguruko informazio gehiago nahi izatekotan taldearekin harremanetan ipini, urtarrilak 23ra arte duzue izena emateko.
Liburuaren aurkezpena idazlearekin. Latsarri gaztetxeak antolatuta.
Santa Ageda bezpera dela eta, Gasteiz Kantuz taldeak antolatuta, Kantujira berezia hirian barrena. Irteera eguerdiko 12etan Gorbeia Bodegoitik eta amaiera Aiztogile kalean arratsaldeko 14:30ak aldera. Erabiliko den kantuliburuxka salgai izango da.
Antolatzaileak: Albertia Elkarte.
Arabako Bertso Kuadrilla Artekoa. D liga: Beeeertsolariak (Lautada) VS Bertsolarriak (Mendialdea). Bazkaria. Antolatzaileak: Arabako Bertsozale Elkartea.
Glu Gluk familia osoarentzako antzezlan berri bat aurkezten du, abentura eta bizikidetza istorio bat, 'Munduari bira 80 egunetan' Julio Verneren eleberrian oinarritutako bertsio librea da. Glu Gluren lanetan ohikoa den bezala, antzezlanaren tonu nagusia komikoa eta musikala izango da. Phileas Fogg eta bere morroi Passepartout-en gorabeherak kontatzen ditu liburu ospetsuak, apustu baten ondorioz laurogei egunetan munduari bira ematea lortuz. Proposatzen den egokitzapenean, gure herritik irten gabe mundu osoko pertsonekin bizi gaitezkeela erakustea da helburua, bai eskolan, bai gure kale, auzo eta parkeetan.
Otsailaren 4an, Agate Deuna jaia ospatuko du Lautada Ikastolak, Amalurra esnatu! lelopean. Aurten ikastetxeko komunitate osoa (familiak, ikasleak, irakasleak, langileak...) aterako da abestera. 18:00etan elkartuko dira ikastolan, Santa Maria enparantzara, zaharren egoitzara eta San Juan plazara joateko. Hiru leku horietan Oles Oles abestia eta Santa Agate-ren koplak abestuko dituzte. Bertsolari batzuk ere gonbidatuko dituzte koplak kantatzeko.
Agate Deuna jaia ospatuko dugunez , kalejira bat Gasteizko erdialdeko kaleetatik egingo dugu hurrengo ibilbidea jarraituz: Musiketxea San Prudentzio kalea Foru kalea Independentzia kalea Urrezko Zeledonen Plaza Plaza Berria Arka Plaza San Prudenzio kalea Musiketxea.
Santa Ageda ospatzeko herritik abestera aterako dira Zigoitiko Gazte Asanbladak deituta, eta ondoren txokolatada beroa Gopegiko txokoan.
Arabako Bertso Kuadrilla Artekoa. A liga: Izena Pentsau Bida (Aramaio) VS Tratamendurik Gabeak (Aramaio). Afaria. Antolatzaileak: Arabako Bertsozale Elkartea.
San Blas jaiaren programaren barruan Joselu Anaiak taldearen dantzaldia izango dute arratsaldeko eta gaueko saioetan; gainera, larunbatean eta igandean bertakoa den Txulalai dantza ospetsua dantzatuko dute.
San Blas jaiak ospatzen ari dira Legution. Horren barruan bertako gaztetxeak hainbat ekitaldi antolatu ditu.