Asteartea, abenduak 27

11:30

'Gabonetako sukaldaritza dibertigarria'

Lantegi honetan sukaldari batek errezeta erraz eta dibertigarriak egiten irakatsiko du, Gabonetako bazkari eta/edo afarietan sartzeko. Adina: 7-12 urte.

17:40

[150 GR. ARTE ESZENIKOEN JAIALDIA] 'Gaizki', AmaHiru

150 gramo arte eszenikoen pieza laburren jaialdia da: antzerkia, dantza, zirkua, performancea, ipuin-kontalariak… 2011n sortu zen jaialdi aitzindari hori, Gasteizko Udalaren laguntzarekin, besteak beste. Ondoren, antzeko ezaugarriak dituzten jaialdiak sortu dira Espainiako zenbait hiritan.

18:00

Pailazo eta zirku ikuskizuna: 'Ingurugiroa zaindu', Potxin eta Patxin

Potxin eta Patxin artistek antzerki, mimo, malabare, joko eta elkarrizketaren bitartez, bizitzaren ohitura onei buruzko informazioa emango digute, eta hausnartzera gonbidatuko gaituzte: mugikortasunaz, eskolara joateko erabiltzen ditugun bitartekoez, uraren garrantziaz eta erabilera egokiaz, birziklatzeaz, hondakinak bereizteaz, elikadura osasungarriaz, bide-hezkuntzaz... Azken batean, jaikitzen garenetik oheratzen garenera arte, portaera berriak praktikan jartzen lagunduko digute: gutxiago kutsatuz, gutxiago zikinduz, ingurunea zainduz… Adina: 4-10 urte.