Igandea, abenduak 4

11:45

'Hopper oilaskoerbia'

Hopper erdi oilasko eta erdi erbi jaio zen abenturazale ospetsuaren istorioa kontatzen du. Pedro erregearen seme adoptatua da. Ezberdintasunak gorabehera, onartua izateko irrikaz dago Hopper, eta abentura zirraragarri bati ekin dio Abe zerbitzari leialarekin (dortoka sarkastiko bat) eta Meg arte martzialetan aditua den mofeta ausartarekin, Iluntasunaren Hamster izeneko erlikia diruzalearen bila. 

11:45

'Yoko oporretan'

61 minutuko iraupena du pelikulak, eta hiru eta zazpi urte bitarteko haurrei zuzenduta dago.  Juanjo Elordi zuzendariaren eta Edorta Barruetabeña gidoilariaren Yoko oporretan filma, 'Yoko eta lagunak' (2015) filmarekin izandako arrakastaren ondoren dator. Bigarren zati honetan, pertsonaiak banandu egingo dituzte opor batzuetan, errutinatik irten, esperientzia berriak bizi eta lagun berriak egiteko gai direla ikas dezaten, hasieran beldur izan arren.

12:00

'Yoko oporretan'

61 minutuko iraupena du pelikulak, eta hiru eta zazpi urte bitarteko haurrei zuzenduta dago.  Juanjo Elordi zuzendariaren eta Edorta Barruetabeña gidoilariaren Yoko oporretan filma, 'Yoko eta lagunak' (2015) filmarekin izandako arrakastaren ondoren dator. Bigarren zati honetan, pertsonaiak banandu egingo dituzte opor batzuetan, errutinatik irten, esperientzia berriak bizi eta lagun berriak egiteko gai direla ikas dezaten, hasieran beldur izan arren.

12:00

[EUSKARAREN EGUNA] 'Patata minak', Ane Gebara eta Aitor Vinagret

Gaubeako tokiko ekoizleen merkatu bereziarekin, eta Euskararen Egunarekin batera, "Patata minak" ALEAren antzezlan berria aurkeztuko da Añanako Kuadrillan. Publiko guztientzako dago zuzendua.

17:00

[ARABA EUSKARAZ 2023] Go!azen kontzertua 9.0

Iritsi da Go!azen 9.0 denboraldi berria!  Aurten Saioa, Gontzal eta Alain izango dira Basakabiko ikasle berriak, eta haietako batek, sekretu bat gordetzen du. Nola moldatuko dira berriak jada “beteranoak” diren gainerako ikasleekin? Maitasun istorioak, gezurrak, abentura eta musika! Musika eta dantza izango dira aurtengoan ere gure protagonista.

17:30

'Ipurbeltz'

Adin guztientzako aniztasun istorio bat.

18:00

'Epa! Txiki', Demode Quartet taldearekin

Garai guztietako euskal klasikoen koreografia, umore eta bertsio dibertigarriak biltzen dituen ikuskizuna da. Demode Quarteteko lau kideek, ikuskizunean, teoria zentzugabea erakutsi nahi dute: musika-estilo guztiak, hau da, rocka, popa, bluesa, reaggea eta baita bollywood-a ere, euskal kantutegian dute jatorria. Umorea, ahots ederrak eta oso lan fina, dibertigarri eta izugarri ondo zaindua. Adina: 4 urtetik gora. 8 urtetik beherakoek heldu batekin joan beharko dute.

18:30

'Aho bete hortz', Ekain pailazoa

Familia osoarentzat ikuskizun dibertigarri eta eroa. Zabalgana Euskara taldeak antolatuta, Euskararen Astearen barruan. 

19:00

Hasieratik. Zinema feministaren historiak zikloa

Irrits, Maider Oleaga, 2022, 15 min. JB euskara, gaztelaniazko azpitituluekin.Izaro eta Clara, 17 urteko neska nerabe bi, begirale lanetan ari dira haurrentzako udalekuetan. Egun berotsu batean, Clarak musukatzen du laguna. Izaro noraezean dabil gertatu zaiona kudeatu nahian, baina prest dago Clarari jarraitzeko, hark nahi duen eremura. Erein, Lide Mikele Billelabeitia Uriarte, 2021, 26 min.Bi neskek Ereñozar mendian gora egiten dute, bata bestea bizkarrean kargatuz. Kontraesana oinarri, bi gorputzak korapilatu egingo dira, bai elkarri aurka eginez bai elkarlanean arituz, bata bestearen zama eta euskarri bihurtuz.Horrela, paradoxikoki, bideoa dantza edota borroka baten testigantza da. Saio berezi bat, Feministaldia Kultura Feministaren Jaialdiarekin elkarlanean. Emanaldien ondoren, Mirari Echavarrik eta Lur Olaizolak moderatutako elkarrizketa bat izango da, eta Maider Oleaga eta Lide Mikele Billelabeitia Uriarte zuzendariak bertan izango dira. Tabakalera Kultura Garaikidearen Nazioarteko Zentroaren eta Artium Museoaren arteko lankidetza.