Sinopsia: Etxaldera zikoina bidaiari bat iristen den egunean, Ama Muri galdera bat datorkio burura: "Non dago benetan nire etxea?". Nola jakin dezake ziurtasunez bere landa eta bizitokitzat duen etxaldea bere benetako etxea direla? Agian bada toki hoberik berarentzat mundu zabalean. Bele saiatzen da azaltzen besteen belardiak ez direla beti berdeagoak, baina Ama Muk ez dauka argi. Izan ere, batzuetan, galdu egin beharra dagpo berriro etxerako bidea aurkitzeko.
Esperimentu zientifikoen gainean sortutako kontakizunak, zientziarekiko gure jakinmina piztu eta ondo pasatzeko helburua dutenak. Etxeko materialekin, inolako arriskurik gabe. Informazio gehiago: https://labur.eus/UkIGc
Liburu txiki bat egingo dugu liburugintzaren prozesu osoa praktikan jarriz: enkoadernazioa, ilustrazioa eta hitzak. Amaitzean, partaide bakoitzak bere lehen liburua eraman ahal izango du etxera. Informazio gehiago: https://labur.eus/cKz8a
Sei saio ezberdinetan liburu bat irakurri eta aztertzea litzateke tailerra. Dinamizatzaile baten laguntzarekin astero taldeak liburuaren atal bat hausnartuko du. Irakurketa Erraza Tailerra ez da literatura solasaldi arrunta. Euskaraz irakurtzen gozatzea da helburua, eta irakurtzen den hori euskaraz komentatzeko eremua sortzea. Modu naturalean euskara hizkuntzan eta erabileran aurrera egitea baimentzen du. Informazio gehiago: https://geuelkartea.eus
Zurrumurruen aurkako maiatza programazioaren barruan, 'Euskara eta immigrazioa' mintegia izango da. Bertan, immigrazioa eta euskarari buruzko harremanaz eta biek kohesiorako dituzten aukerez hitz egingo dugu. Xabier Aierdik bideratuko du saioa. Soziologian Doktorea da, Begirune fundazioko kidea eta migrazioetan aditua.
Abastos Merkatuko terraza, hondartza bihurtuko den espazio berezia, eszenografia zainduari, hondarrari eta hondartzako etzaulkiei esker, itsasoaren aurreko espazio batera eramango gaituztenak. Parte hartuko duten poetak: Leire Bilbao (Ondarroa, 1978), Karmele Jaio (Gasteiz, 1970) eta Edu Zelaieta (Gasteiz, 1973). Informazio gehiago: https://poetasenmayo.com/eu/
Erregaia da Zarautz eta Oñatiko musikariak bildu dituen Keia proiektuaren lehenengo lan luzearen titulua. Ibilbide zabaleko laukoteak hamar kantuko diskoa ondu du bere estreineko lanean. Ane Arruti zarauztarrak gidatuta eta bere kantuak oinarri hartuta, hirukote oñatiar sendoaren babesarekin sortu da Keia: Egoitz Olalde baterian, Iñigo Ibarrondo baxuan eta Iker Martinez de Zuazo gitarran. Besteak beste, Latzen, Potemkin, Sharon Stoner, Sorkun, Zingira, Lenao edo Amonal taldeetan aritutakoak.
Sastraka egitasmoa Pello Lizarraldek idatzitako 12 testutatik abiatuta, arlo ezberdinetatik datozen beste hiru artisten artean burututako erakusketa da. Jose Ignacio Agorretak 25 olio margotu ditu, Imanol Ubedak 12 kantu musikatu ditu eta Imanol Rayok 36 argazki egin ditu. Lan intimistak, soilak, atenporalak osatu izan dituzte eta Sastraka egitasmoak ezaugarri horiek denak barnebiltzen ditu. Informazio gehiago: https://oihaneder.eus