Ostirala, otsailak 18
18:00
Ipuin kontalaria
AEK euskaltegia, Aiaraldea Amurrio | HAURRENTZAKO EKINTZAAiaraldeko Berbalagunak antolatuta. Faktoriako Kokoriko taldekoen eskutik. Plaza mugatuak!
19:00
'Burrun!', Aitor Vinagret
Asparreneko udaletxeko batzar aretoa, Lautada Asparrena | IPUIN KONTALARIAHelduentzako ipuin kontaketa saioa Aitor Vinagretekin. Berbalagun taldeak antolatuta.
21:00
Miren Amuriza, Onintza Enbeita
Faktoria, Aiaraldea Laudio | BERTSO AFARIABi hilero behin bezala, bertsoaren eta tokiko produktu ekologikoekin osatutako afariaren bueltan batuko gara Faktorian, oraingoan Onintza Enbeita eta Miren Amurizaren konpainian. Afaria garaian garaiko tokiko produktu ekologikoekin kozinatuko da, eta ordaindutakoaren zati bat bertsolarientzako izango da.
'Egin eta Klik' gazte ginkana
Instagram: @arabakogazteak, Araba | GAZTEENTZAKO EKINTZAUrtarrilaren 10etik otsailaren 26ra bitartean 'Egin eta Klik' izeneko ginkana jarraitzeko eta bertan parte hartzeko aukera izango dute Arabako gazteek, Instagram sare sozialean. 14 urtetik gorako gazteei bideratuta dago ekimena, baina edozeinek har dezake parte. Gazteen artean euskara sustatzea da helburua. Horretarako, sakelakoarekin grabatu beharreko zenbait proba proposatuko dira. Ginkanaren erronka guztiak eta beharrezko azalpenak @arabakogazteak Instagram kontuan iragarriko dira.
17:3018:30
Sorlasean antzerki ikastaroa
Kultura Etxeko erakusketa aretoa, Aiaraldea Laudio | LANTEGIAArte eszenikoetan trebatzeaz gain, gorputz adierazpena areagotzea, zentzumenak lantzea eta, batez ere, aldi berean, euskararen erabilera eta ezagutza sendotzea dira ikastaroaren helburuak. Urtarrilaren 17an hasteko da eta apirilaren 6an amaitzeko. Ardura, Josune Garcia de Bikuñak (euskaltegi irakaslea, euskara normalizatzeko programa batzuen dinamizatzailea, abeslaria, idazlea...) izango du. Bestalde, Sorlasean izena jarri dio umeentzako antzerki eskolen egitasmo horri. Parte har dezaketen umeak, 2010-2014 urte bitartean (biak barne) jaiotakoak izango dira eta matrikulazioak 20 euroko kostua du. Lekuak mugatuta daude (gutxienez 8 ume eta gehienez 16) eta indarreko osasun-neurriak beteko dira uneoro. Izena emateko epea urtarrilaren 3an hasiko da eta 11n amaitu. Eskaera kopurua eskaintza baino handiagoa balitz, zozketa publiko bat egingo da urtarrilaren 12an, 9:00etan.
