Asteazkena, abenduak 15

18:00

Porrotx eta Marimotots

Ekitaldirako gonbidapenak Argantzongo udaletxean daude eskura. Pertsona bakoitzeko gehienez lau sarrera. Berokia eraman!!

18:30

'Ikasle, ikusle, ekoizle' Xabier Paya, Itziar Lafuente eta Oier Ortiz de Lejarazu

Ikaslearen irteera-profilaren ohiko galdera da abiapuntua: Euskarari eta euskal kulturari buruz ari garela, zer jakin behar du Gasteizko gazte batek derrigorrezko hezkuntza amaitzen duenean? Eskola, kultura, aisia eta euskararen inguruko ikastaroa.

19:00

[IDAZLEEKIN SOLASEAN] Mikel Soto: Ke poteak memorian

Euskaraz idatzitako literaturari eskaini nahi diogun txoko honetan, esperientziak, irakurketak, iritziak... bildu nahi ditugu, idazleen eskutik. Patxi Zubizarretak solasaldiak aurkeztu eta dinamizatuko ditu, beti ere literatur sormenaren eta irakurketak sortzen duen plazerraren inguruan. Urteetan Tafallako Txalaparta argitaletxeko editore izan eta gero, 'Suak pizten direnean' poema liburuarekin harritu gintuen Mikel Soto iruinsemeak, eta inarrosi, eta hainbat kontu gogorarazi... Gordin eta sotil dakarzkigu kontzientzia politikoaren sorrera, borroka urteak, atxiloketa eta kartzelaldiaren esperientzia, pasiotik eta idealismotik, ametsak porrotarekin nahasiz.

19:00

‘Ogiak hizketan baleki’

Antzezlan horrek Josefa de Mujikan jartzen du fokua, 1836an soldadu ingelesek Gasteizen, lehen gerra karlistan, exekutatu zuten okinaren alargunean. Proiektuak kazetaritza, antzerkia, performancea eta teknologia berriak uztartzen ditu kazetaritza performatikoaren bidez, ikerketa-kazetaritza eta arte eszenikoak uztartzen dituen tresna kulturala. Sarrera doan lekua bete arte. Izena ematea: https://www.ehu.eus/eu/web/araba/antzerkia