Familian jolasteko saioak. Aurretik izena eman behar da: 607673744.
Liburuak gustatzen zaizkigu: handiak, txikiak, lodiak, hitzik gabekoak, bitxiak, zabaltzen eta handitzen direnak... eta barruan gordetzen dutena aurkitu nahi dugu: istorioak, sorpresak, jolasak, poesia, algara. Lau urtetik gora.
Pirinioak gure Himalaia txikia dira. Ez dira munduko mendi altu eta ikusgarrienak, baina ederrak dira oso eta geologiarentzat opari galanta dira. Hitzaldi honetan hain gertuko dugun mendikate honetako mendi nagusi eta ezagunetatik bidai bat egingo dugu 500 milioi urteko historia harrigarria eraikitzeko. Pangearen sorreran egongo gara, basamortuak zeharkatuko ditugu, sumendiak igoko ditugu, koralezko uharrietan murgilduko gara eta glaziar erraldoien gainena ibiliko gara. Hori guztia Pirinioetatik atera gabe. Asier Hilariok gure mendiak beste modu batean ikusi eta ulertzeko aukera paregabea eskainiko digu hitzaldi honetan.